Үйлчилгээний нөхцөл

Шинэчилсэн: 2026 оны 11-р сарын 6 · Флоуио клоуд ХХК

МонголEnglish

Энэхүү Үйлчилгээний нөхцөл нь “Флоуио Клоуд” ХХК болон Flowio платформд бүртгүүлж, үйлчилгээг ашиглаж буй Харилцагчийн хоорондын харилцааг зохицуулна.

Харилцагч Платформд бүртгүүлж, үйлчилгээг ашигласнаар энэхүү Нөхцөл болон Нууцлалын бодлогыг хүлээн зөвшөөрсөнд тооцогдоно. Иймд үйлчилгээг ашиглаж эхлэхээсээ өмнө тэдгээртэй сайтар танилцана уу.

1. Ерөнхий нөхцөл

  1. Энэхүү Үйлчилгээний нөхцөл (цаашид “Нөхцөл” гэх) нь “Флоуио Клоуд” ХХК (цаашид “Компани” гэх)-ийн хөгжүүлж, ажиллуулдаг Flowio цахим платформ (цаашид “Платформ” гэх)-оор дамжуулан бизнес эрхлэгчдэд хиймэл оюун ухаанд суурилсан хэрэглэгчийн харилцаа, борлуулалт, захиалга, төлбөр тооцоог автоматжуулах үйлчилгээ үзүүлэхтэй холбоотой Компани болон Харилцагчийн хоорондын харилцааг зохицуулна.
  2. Энэхүү Нөхцөлд хэрэглэсэн нэр томьёог дараах утгаар ойлгоно. Үүнд:
  • “Платформ” гэж flowio.cloud болон түүний дэд домэйн дээр байрлах Flowio цахим системийг;
  • “Компани” гэж Платформыг хөгжүүлж, ажиллуулдаг “Флоуио Клоуд” ХХК-ийг;
  • “Flowio” гэж Компанийн үйлчилгээний брэнд нэрийг;
  • “Харилцагч” гэж Нөхцөлийг хүлээн зөвшөөрч, Платформд бүртгүүлэн бизнесийн үйл ажиллагаандаа ашиглаж буй эрх зүйн бүрэн чадамжтай иргэн, хуулийн этгээдийг;
  • “Эцсийн хэрэглэгч” гэж Харилцагчийн бараа, бүтээгдэхүүн, үйлчилгээг сонирхох, захиалах болон худалдан авч буй иргэн, хуулийн этгээдийг;
  • “AI туслах” гэж Харилцагчийн оруулсан мэдээлэл, тохиргоонд үндэслэн Эцсийн хэрэглэгчид автомат хариулт өгөх, бүтээгдэхүүн санал болгох, захиалга бүртгэх зэрэг үйлдэл гүйцэтгэх хиймэл оюун ухаанд суурилсан системийг;
  • “Захиалга” гэж Платформоор дамжуулан бараа, бүтээгдэхүүн, үйлчилгээ худалдан авах, захиалах хүсэлт, бүртгэлийг;
  • “Үйлчилгээний багц” гэж Платформоор санал болгож буй үйлчилгээний төрөл, боломж, ашиглалтын хязгаар, төлбөрийн нөхцөлийг;
  • “Хэтэвч” буюу “Flowio Wallet” гэж Харилцагчийн төлбөр, орлого, шимтгэл болон мөнгөн гүйлгээний мэдээллийг бүртгэх, удирдах Платформын системийг;
  • “Гуравдагч талын үйлчилгээ” гэж Meta, Facebook, Instagram, QPay, банк, төлбөрийн систем болон бусад гаднын үйлчилгээг;
  • “Цахим баталгаажуулалт” гэж Харилцагчийн бүртгэл, нэвтрэлт болон үйлдлийг баталгаажуулах цахим шуудан, нэвтрэх нэр, нууц үг, нэг удаагийн код болон бусад мэдээллийг тус тус ойлгоно.
  1. Харилцагч Платформд бүртгүүлэхээс өмнө энэхүү Нөхцөл болон Компанийн Нууцлалын бодлоготой танилцсан байна. Бүртгэлийн хуудсанд «Үйлчилгээний нөхцөл болон Нууцлалын бодлоготой танилцаж, хүлээн зөвшөөрч байна» гэсэн сонголтыг тэмдэглэж, «Бүртгүүлэх» товчийг дарснаар Нөхцөлийг зөвшөөрсөнд тооцож, талуудын хооронд цахим хэлцэл байгуулагдана. Компани зөвшөөрсөн огноо, цагийг бүртгэлд хадгална.
  2. Хуулийн этгээдийн нэрийн өмнөөс бүртгүүлж буй этгээд нь тухайн байгууллагыг төлөөлөх эрхтэй болохоо баталгаажуулна. Төлөөлөх эрхгүй этгээдийн үйлдлээс үүсэх үр дагаврыг холбогдох хууль тогтоомжийн дагуу шийдвэрлэнэ.
  3. Харилцагч Нөхцөлийг хүлээн зөвшөөрөхөөс татгалзах эрхтэй боловч энэ тохиолдолд Платформд бүртгүүлэх, үйлчилгээг ашиглах боломжгүй.
  4. Компани нь Платформоор дамжуулан AI туслах болон хэрэглэгчийн харилцаа, борлуулалт, захиалга, төлбөр тооцоог автоматжуулах технологийн үйлчилгээ үзүүлж, үйлчилгээний багц, үнэ, ашиглалтын нөхцөлийн мэдээллийг цахимаар хүргэнэ.
  5. Харилцагч болон Эцсийн хэрэглэгчийн хооронд хийгдэх худалдаа, захиалга, төлбөр тооцооны хууль ёсны байдал, мэдээллийн үнэн зөв, үүргийн гүйцэтгэлийг Харилцагч хариуцна. Компани нь Платформын технологийн хэвийн ажиллагаа болон өөрийн хүлээсэн үйлчилгээний үүргийг хариуцна.
  6. Харилцагч Платформыг ашиглахдаа Монгол Улсын хууль тогтоомж, энэхүү Нөхцөл болон Компанийн холбогдох журам, бодлогыг мөрдөнө.

2. Үйлчилгээний төрөл, боломж

  1. Flowio нь Facebook Messenger, Instagram Direct зэрэг холбогдсон сувгаар Эцсийн хэрэглэгчтэй харилцах, мэдээлэл өгөх, бүтээгдэхүүн санал болгох, захиалга, цаг захиалга бүртгэх AI туслах үйлчилгээ үзүүлэхээс гадна нийтлэлийн сэтгэгдэлд автомат хариулт өгөх, чатын урсгал тохируулах боломж олгоно.
  2. Харилцагч нь Платформоор дамжуулан бараа, бүтээгдэхүүн, үйлчилгээний мэдээлэл, захиалга, цаг захиалга болон борлуулалтаа удирдах, AI туслах болон AI постерын боломжийг ашиглах боломжтой.
  3. Харилцагч нь Платформоор дамжуулан хуудас, бараа, цуглуулга, маягт бүхий дэлгүүрийн вэбсайт бүтээж, сагс, төлбөрийн хамт <нэр>.store.flowio.cloud хаяг эсвэл өөрийн домэйн дээр нийтлэх боломжтой.
  4. Платформ нь багийн гишүүдийн эрх, хандалтыг удирдах, захиалга боловсруулах, QPay-ээр төлбөр хүлээн авах болон Хэтэвчээр дамжуулан орлого, гүйлгээний мэдээллийг бүртгэх боломжийг олгоно.
  5. Харилцагч нь гадны AI апп (Claude, Cursor гэх мэт)-аас дэлгүүрээ удирдах холболт үүсгэх боломжтой.
  6. Үйлчилгээний боломж, функц болон ашиглах нөхцөл нь Харилцагчийн сонгосон Үйлчилгээний багцаас хамаарч ялгаатай байж болно (жишээ нь өөрийн домэйн холбох боломж «Мэргэжлийн» багцад). Компани нь үйлчилгээг сайжруулах зорилгоор боломж, функцэд өөрчлөлт оруулж болно.

3. Худалдааны харилцаа, хариуцлага

  1. Харилцагч болон Эцсийн хэрэглэгчийн хооронд хийгдэх худалдах, худалдан авах болон үйлчилгээ үзүүлэх хэлцэл нь тухайн талуудын хооронд шууд байгуулагдана. Компани нь уг худалдааны хэлцлийн тал биш байна.
  2. Харилцагч нь өөрийн санал болгож буй бараа, бүтээгдэхүүн, үйлчилгээний чанар, аюулгүй байдал, захиалгын биелэлт, хүргэлт, буцаалт, баталгаа болон төлбөрийн буцаалттай холбоотой үүрэг, хариуцлагыг бие даан хүлээнэ.
  3. Харилцагч болон Эцсийн хэрэглэгчийн хооронд үүссэн худалдаа, захиалга, хүргэлт, буцаалт болон төлбөрийн маргааныг тухайн талууд холбогдох хууль тогтоомжийн дагуу шийдвэрлэнэ.

4. Бүртгэл, Харилцагчийн эрх, үүрэг

  1. Харилцагч Платформд бүртгүүлэхдээ үнэн зөв, бүрэн мэдээлэл өгөх бөгөөд бүртгэлийн мэдээлэл, нэвтрэх нэр, нууц үгийн аюулгүй байдлыг хангах үүрэгтэй.
  2. Харилцагч өөрийн урьсан багийн гишүүдэд олгосон хандалтын эрх болон тэдгээрийн Платформд хийсэн үйлдлийг хариуцна.
  3. Харилцагч нь Платформд холбосон Facebook хуудас, Instagram бүртгэлийг удирдах хууль ёсны эрхтэй байх бөгөөд Meta компанийн ашиглалтын нөхцөл, бодлогыг мөрдөнө.
  4. Meta болон бусад гуравдагч талын үйлчилгээ үзүүлэгчээс хандалт, зөвшөөрлийг цуцлах, хязгаарлах, түр зогсоох тохиолдолд тухайн сувгаар дамжих автомат хариулт болон холбогдох үйлчилгээ тасалдаж болохыг Харилцагч хүлээн зөвшөөрнө.
  5. Харилцагч нь гадны AI апп-д олгосон холболтын түлхүүрийг нууцлах бөгөөд түүгээр хийгдсэн үйлдлийг хариуцна. Харилцагч уг түлхүүрийг самбараас хүссэн үедээ цуцлах боломжтой.

5. AI хариулт ба таны борлуулалт

  1. Платформын AI туслах нь Харилцагчийн оруулсан бараа, бүтээгдэхүүн, үйлчилгээний мэдээлэл, үнэ, үлдэгдэл болон тохиргоонд үндэслэн Эцсийн хэрэглэгчид автомат хариулт өгөх, бүтээгдэхүүн санал болгох, захиалга бүртгэх зэрэг үйлдлийг гүйцэтгэнэ.
  2. Харилцагч нь AI туслахын ашиглах бараа, бүтээгдэхүүн, үйлчилгээний мэдээлэл, үнэ, үлдэгдэл болон бусад тохиргоог үнэн зөв, бүрэн, шинэчилсэн байлгах үүрэгтэй. Эдгээр мэдээлэл буруу, дутуу эсвэл шинэчлэгдээгүй байснаас үүдэн гарах үр дагаврыг Харилцагч өөрөө хариуцна.
  3. AI туслах нь автомат систем тул зарим тохиолдолд буруу, дутуу эсвэл тохиромжгүй хариулт өгөх боломжтой. Иймд Харилцагч нь AI туслахын харилцааг хянах, шаардлагатай үед харилцан яриаг өөрөө үргэлжлүүлэх, AI туслахын оролцоог зогсоох, харилцааг өөртөө шилжүүлэх боломжтой.
  4. Самбарын AI туслах нь Платформд өөрчлөлтийг зөвхөн Харилцагчийн зөвшөөрлөөр хийнэ. Гадны AI апп-аар хийх үйлдлийн зөвшөөрлийг тухайн апп Харилцагчаас асууна.
  5. AI-ийн бүтээсэн текст, зураг, постер буруу эсвэл бодит бус байж болох тул Харилцагч нийтлэхээсээ өмнө шалгана. Харилцагч нь AI-д өгч буй барааны зургийг ашиглах эрхтэй байна.

6. Харилцагчийн вэбсайтын агуулга, ашиглалт

  1. Харилцагч нь Платформоор дамжуулан үүсгэж, нийтэлсэн вэбсайтын текст, зураг, файл, бараа бүтээгдэхүүн, маягт, холбоос болон оруулсан код зэрэг бүх агуулгын хууль ёсны байдал, үнэн зөв байдал, ашиглах эрхийг өөрөө хариуцна.
  2. Нийтэд нээлттэй болгосон вэбсайт, хуудас, зураг, файл болон бусад агуулгыг холбоосоор дамжуулан бусад этгээд үзэх боломжтой. Иймд Харилцагч нь нууц болон нийтэд ил болгохыг хүсээгүй мэдээллийг вэбсайтад байршуулахгүй байх үүрэгтэй.
  3. Харилцагч нь вэбсайтын маягтаар дамжуулан зөвхөн шаардлагатай мэдээллийг цуглуулах, мэдээлэл цуглуулах зорилго, ашиглах нөхцөлийг Эцсийн хэрэглэгчид ойлгомжтой тайлбарлах, мэдээллийг холбогдох хууль тогтоомжийн дагуу хадгалах, ашиглах үүрэгтэй. Нууц үг, банкны картын дугаар, регистрийн дугаар, эрүүл мэндийн мэдээлэл зэрэг эмзэг мэдээллийг шаардлагагүйгээр цуглуулахыг хориглоно.
  4. Facebook Pixel, Google Analytics нь Эцсийн хэрэглэгч вэбсайт дээр зөвшөөрсний дараа л ажиллана. Харилцагч нь гаднын код, газрын зураг, видео болон бусад гуравдагч талын үйлчилгээг вэбсайтад холбосноор Эцсийн хэрэглэгчийн мэдээлэл тухайн үйлчилгээ үзүүлэгчид дамжих боломжтойг анхаарч, хуульд заасан мэдэгдэл хүргэх, зөвшөөрөл авах үүргийг хүлээнэ.
  5. Харилцагчийн вэбсайтын нэр, хаяг болон агуулга нь хуурамч, төөрөгдүүлсэн байх, бусдын барааны тэмдэг, оюуны өмч болон хууль ёсны эрхийг зөрчих ёсгүй. Харилцагч нь өөрийн домэйныг холбохдоо тухайн домэйныг эзэмших, удирдах хууль ёсны эрхтэй байна. Домэйн Платформын серверт зөв тохируулагдаж, баталгаажсаны дараа тухайн хаягаар вэбсайт нийтэд нээлттэй болно.
  6. Харилцагч нь өөрийн вэбсайтад үйлчилгээний нөхцөл, худалдаа, буцаалт болон бусад бодлогоо нийтэлсэн тохиолдолд тэдгээр нь Харилцагч болон Эцсийн хэрэглэгчийн хоорондын харилцааг зохицуулна. AI туслах нь Харилцагчийн оруулсан тухайн мэдээлэлд үндэслэн Эцсийн хэрэглэгчид хариулт өгөх боломжтой.
  7. Платформ нь вэбсайтын нийтлэгдсэн сүүлийн 3 (гурав) хувилбарыг хадгалах, сэргээх боломж олгоно. Энэ нь бүрэн хэмжээний нөөц хуулбарын үйлчилгээ биш тул Харилцагч өөрийн вэбсайтын агуулга, файл болон бусад мэдээллийн хуулбарыг бие даан хадгалах үүрэгтэй.
  8. Харилцагчийн вэбсайт, агуулга нь холбогдох хууль тогтоомж болон энэхүү Нөхцөлийг зөрчсөн тохиолдолд Компани тухайн агуулгыг нуух, устгах, вэбсайтыг түр хугацаагаар зогсоох эрхтэй. Боломжтой тохиолдолд Компани урьдчилан мэдэгдэнэ.

7. Төлбөр ба хэтэвч

  1. Харилцагч нь Платформыг ашигласны төлбөр, үйлчилгээний багцын үнэ болон гүйлгээний шимтгэлийг flowio.cloud вэбсайтын Үнэ хэсэгт нийтэлсэн нөхцөл, тарифт үндэслэн төлнө. Харилцагч нь үнэ төлбөргүй багцаас эхлэн үйлчилгээг ашиглах боломжтой.
  2. Төлбөртэй үйлчилгээний багцын төлбөрийг сар бүр Харилцагчийн дэлгүүрийн Хэтэвч дэх үлдэгдлээс эсвэл QPay-ээр төлнө. Багцын төлбөр төлөх үед Хэтэвч дэх үлдэгдэл хүрэлцэхгүй бол Харилцагчийн үйлчилгээний багцыг үнэ төлбөргүй багц руу шилжүүлнэ.
  3. Эцсийн хэрэглэгчийн QPay-ээр төлсөн төлбөрийг Компани Харилцагчийн өмнөөс хүлээн авч, шимтгэлийг суутган Харилцагчийн дэлгүүрийн Хэтэвчинд бүртгэнэ. Харилцагч нь Хэтэвч дэх татан авах боломжтой үлдэгдлээс өөрийн банкны данс руу мөнгө шилжүүлэх хүсэлт гаргах бөгөөд Компани хүсэлтийг шалгаж шилжүүлнэ.
  4. Хэтэвчийн үлдэгдэл, орлого, зарлага, шимтгэл, гүйлгээний мэдээлэл болон мөнгө татан авах хүсэлтийн төлөвийг Харилцагч Платформоор дамжуулан хянах боломжтой.
  5. Компанийн олгосон кредитийг зөвхөн нэмэлт ярианы эрх, AI постерт зарцуулах бөгөөд бэлэн мөнгө болгох боломжгүй, хүчинтэй хугацаа нь дуусч болно.
  6. Компани нь үйлчилгээний багцын үнэ, төлбөрийн нөхцөл болон шимтгэлийн хэмжээнд өөрчлөлт оруулах тохиолдолд Харилцагчид урьдчилан мэдэгдэнэ. Өөрчлөлт хүчин төгөлдөр болох хугацаа болон хэрэгжих нөхцөлийг мэдэгдэлд тусгана.

8. Хориглох үйлдэл

Харилцагчид Платформ болон холбогдсон сувгийг ашиглахдаа дараах үйлдлийг хийхийг хориглоно. Үүнд:

  1. Спам, хүсээгүй сурталчилгаа, доромжилсон, заналхийлсэн болон хууль бус агуулга илгээх, нийтлэх;
  2. Хууль бус, хуурамч бараа, бүтээгдэхүүн, үйлчилгээ санал болгох, залилан мэхлэх, бусдын эрх, оюуны өмч, барааны тэмдгийг зөрчих;
  3. Бусад иргэн, байгууллагын нэр, дүр төрхийг зөвшөөрөлгүй ашиглан хуурамч вэбсайт, хуудас үүсгэх, нууц үг, банкны карт болон бусад нууц мэдээллийг залилан мэхлэх замаар авах;
  4. Платформ болон холбогдсон сувгаар дамжуулан вирус, хортой код, программ түгээх, Эцсийн хэрэглэгчийн төхөөрөмж, мэдээлэлд хохирол учруулах, зөвшөөрөлгүйгээр хувийн мэдээлэл цуглуулах;
  5. Meta болон бусад Гуравдагч талын үйлчилгээ үзүүлэгчийн ашиглалтын нөхцөл, олон нийтийн стандарт, хөгжүүлэгчийн бодлого, шаардлагыг зөрчих;
  6. Платформд зөвшөөрөлгүй нэвтрэх, системийн хэвийн ажиллагаанд саад учруулах, зориудаар хэт ачаалал үүсгэх, программын кодыг задлах, хуулбарлах, өөрчлөх оролдлого хийх.

9. Харилцагчийн мэдээлэл

  1. Харилцагчийн оруулсан бараа, бүтээгдэхүүн, үйлчилгээ, захиалга, борлуулалтын мэдээлэл болон вэбсайтын агуулга нь Харилцагчийн бизнесийн мэдээлэл байна.
  2. Эцсийн хэрэглэгчийн хувийн мэдээлэл нь тухайн хүний хувийн мэдээлэл байна.
  3. Компани нь эдгээр мэдээллийг зөвхөн үйлчилгээ үзүүлэх, Платформын хэвийн ажиллагааг хангах болон хуульд заасан бусад үндэслэлээр боловсруулна.
  4. Харилцагч нь Компанид Flowio үйлчилгээг үзүүлэх зорилгоор дээрх мэдээллийг хадгалах, харуулах, боловсруулах, AI боломж ашиглах үед AI үйлчилгээ үзүүлэгчид дамжуулах эрхийг олгоно.
  5. Харилцагч болон Эцсийн хэрэглэгчийн хувийн мэдээллийг Нууцлалын бодлого болон холбогдох хууль тогтоомжийн дагуу цуглуулж, боловсруулж, хамгаална.
  6. Харилцагч нь өөрийн мэдээллийг устгуулах хүсэлтийг Компанид гаргах эрхтэй. Компани нь хуульд заасан хадгалах үүрэг, шаардлагыг харгалзан мэдээллийг устгана.

10. Үйлчилгээг зогсоох, эрхийг хязгаарлах

  1. Харилцагч нь Flowio үйлчилгээг хүссэн үедээ ашиглахаа зогсоох, бүртгэл, дэлгүүрээ хаалгах хүсэлтийг support@flowio.cloud хаягаар гаргах эрхтэй.
  2. Харилцагч нь энэхүү Нөхцөл болон холбогдох хууль тогтоомжийг зөрчсөн, эсхүл Платформын хэвийн үйл ажиллагаа, аюулгүй байдалд эрсдэл учруулсан тохиолдолд Компани нь Харилцагчийн бүртгэл, Платформд нэвтрэх эрхийг түр хугацаагаар хязгаарлах, түдгэлзүүлэх эсвэл хаах эрхтэй.
  3. Компани нь боломжтой тохиолдолд дээрх арга хэмжээг авахаас өмнө Харилцагчид мэдэгдэж, зөрчлийг арилгах боломж олгоно. Яаралтай арга хэмжээ авах шаардлагатай нөхцөлд урьдчилан мэдэгдэхгүй байж болно.
  4. Дэлгүүр хаагдсан тохиолдолд түүний вэбсайт нийтэд харагдахаа болино. Хуульд заасны дагуу хадгалах шаардлагатай төлбөрийн бүртгэлийг хуульд заасан хугацаанд хадгална.

11. Хариуцлагын хязгаарлалт

  1. Компани нь Платформ болон үйлчилгээг одоогийн байгаа боломж, нөхцөлийн хүрээнд үзүүлэх бөгөөд тасралтгүй, сааталгүй, алдаагүй ажиллахыг баталгаажуулахгүй.
  2. Meta, QPay, OpenAI, хостинг, домэйн болон бусад Гуравдагч талын үйлчилгээний доголдол, саатал, хязгаарлалтаас үүдсэн тасалдалд Компани хариуцлага хүлээхгүй.
  3. Хуульд өөрөөр заагаагүй бол Компани нь шууд бус хохирол, алдсан ашиг, олох байсан орлогыг хариуцахгүй.
  4. Компанийн нийт хариуцлагын хэмжээ нь тухайн хариуцлага үүсэхээс өмнөх сүүлийн 3 (гурав) сарын хугацаанд Харилцагчаас Flowio үйлчилгээнд төлсөн нийт төлбөрөөс хэтрэхгүй.

12. Маргаан шийдвэрлэх

  1. Энэхүү Нөхцөлд Монгол Улсын хууль тогтоомжийг баримтална.
  2. Талуудын хооронд үүссэн маргааныг эхний ээлжид харилцан зөвшилцөх замаар шийдвэрлэнэ. Зөвшилцөлд хүрээгүй тохиолдолд Монгол Улсын эрх бүхий шүүхээр шийдвэрлүүлнэ.
  3. Компани нь энэхүү Нөхцөлд өөрчлөлт оруулах эрхтэй бөгөөд шинэчилсэн хувилбарыг энэ хуудсанд нийтэлж, дээрх огноог шинэчлэх ба шаардлагатай тохиолдолд Харилцагчид мэдэгдэнэ.
  4. Харилцагч шинэчилсэн нөхцөлийг зөвшөөрөхгүй бол үйлчилгээг цуцлах эрхтэй. Шинэ нөхцөл хүчин төгөлдөр болсны дараа үйлчилгээг үргэлжлүүлэн ашиглах нь хуульд нийцсэн хүрээнд тухайн нөхцөлийг хүлээн зөвшөөрсөнд тооцогдоно.

13. Холбоо барих

Үйлчилгээ үзүүлэгч: “Флоуио Клоуд” ХХК (FLOWIO CLOUD LLC)

Хаяг: Улаанбаатар хот, Баянгол дүүрэг, 30-р хороо, 10-р хороолол, Энхтайваны өргөн чөлөө 16, #9

И-мэйл: support@flowio.cloud

Утас: +976 8097 0422, +976 8999 7697

Вэбсайт: https://www.flowio.cloud

Terms of Service

Last updated: 6 November 2026

These Terms of Service govern the relationship between FLOWIO CLOUD LLC and the Customer who signs up for and uses the Flowio platform.

By signing up for the Platform and using the service, the Customer is deemed to accept these Terms and the Privacy Policy. Please read them carefully before you start using the service.

1. General terms

  1. These Terms of Service (the “Terms”) govern the relationship between FLOWIO CLOUD LLC (the “Company”) and the Customer in connection with the AI-based services for automating customer communication, sales, orders and payments that the Company provides to businesses through the Flowio online platform (the “Platform”) it develops and operates.
  2. In these Terms the following words have these meanings:
  • “Platform” means the Flowio online system at flowio.cloud and its subdomains;
  • “Company” means FLOWIO CLOUD LLC, which develops and operates the Platform;
  • “Flowio” means the Company's service brand;
  • “Customer” means a person with full legal capacity or a legal entity that has accepted the Terms, signed up for the Platform and uses it for its business;
  • “End User” means a person or legal entity that shows interest in, orders or buys the Customer's goods, products or services;
  • “AI assistant” means the AI-based system that, from the information and settings the Customer enters, replies to End Users automatically, recommends products, records orders and performs similar actions;
  • “Order” means a request or record, made through the Platform, to buy or order goods, products or services;
  • “Plan” means the type of service, features, usage limits and payment terms offered through the Platform;
  • “Wallet” or “Flowio Wallet” means the Platform system that records and manages the Customer's payments, income, fees and money transactions;
  • “Third-party services” means Meta, Facebook, Instagram, QPay, banks, payment systems and other external services;
  • “Electronic verification” means the email, username, password, one-time code and other information used to verify the Customer's registration, sign-in and actions.
  1. Before signing up for the Platform the Customer reads these Terms and the Company's Privacy Policy. By ticking «I have read and accept the Terms of Service and the Privacy Policy» on the sign-up page and pressing «Бүртгүүлэх» (Sign up), the Customer accepts the Terms, and an electronic agreement is formed between the parties. The Company records the date and time of acceptance with the account.
  2. A person signing up on behalf of a legal entity confirms that they are authorised to represent it. The consequences of actions by a person without such authority are settled under the applicable law.
  3. The Customer may refuse to accept the Terms, but in that case cannot sign up for the Platform or use the service.
  4. Through the Platform the Company provides the AI assistant and technology for automating customer communication, sales, orders and payments, and provides information on plans, prices and terms of use electronically.
  5. The Customer is responsible for the lawfulness of the sales, orders and payments made between the Customer and End Users, for the accuracy of its information and for performing its obligations. The Company is responsible for the technical operation of the Platform and for the service obligations it has undertaken.
  6. When using the Platform the Customer complies with the laws of Mongolia, these Terms and the Company's applicable rules and policies.

2. Services and features

  1. Flowio provides an AI assistant that talks with End Users through connected channels such as Facebook Messenger and Instagram Direct, gives information, recommends products and records orders and bookings; it also lets the Customer reply automatically to post comments and set up chat flows.
  2. Through the Platform the Customer can manage information on goods, products and services, orders, bookings and sales, and use the AI assistant and AI posters.
  3. Through the Platform the Customer can build a shop website with pages, products, collections and forms, and publish it with a cart and payments at <name>.store.flowio.cloud or on its own domain.
  4. The Platform lets the Customer manage team members' roles and access, process orders, receive payments through QPay, and record income and transactions in the Wallet.
  5. The Customer can connect external AI apps (such as Claude or Cursor) to manage its shop.
  6. Features, functions and terms of use may differ depending on the Plan the Customer chooses (for example, connecting your own domain is part of the «Мэргэжлийн» plan). The Company may change features and functions to improve the service.

3. Sales and responsibility

  1. Contracts of sale and contracts for services between the Customer and End Users are made directly between those parties. The Company is not a party to them.
  2. The Customer alone is responsible for the quality and safety of the goods, products and services it offers, and for fulfilment, delivery, returns, warranties and refunds.
  3. Disputes between the Customer and End Users about sales, orders, delivery, returns and payments are settled between those parties under the applicable law.

4. Registration, Customer rights and obligations

  1. When signing up the Customer gives accurate and complete information, and keeps its account details, username and password secure.
  2. The Customer is responsible for the access it gives the team members it invites and for what they do on the Platform.
  3. The Customer must have the legal right to manage the Facebook Page and Instagram account it connects to the Platform, and complies with Meta's terms and policies.
  4. The Customer accepts that if Meta or another third-party provider revokes, restricts or suspends access or permissions, automatic replies and related services on that channel may stop.
  5. The Customer keeps secret the connection key it gives an external AI app and is responsible for what is done with it. The Customer can revoke the key in the dashboard at any time.

5. AI replies and your sales

  1. The Platform's AI assistant replies to End Users automatically, recommends products, records orders and performs similar actions based on the goods, products, services, prices, stock and settings the Customer enters.
  2. The Customer keeps the goods, products, services, prices, stock and other settings the AI assistant uses accurate, complete and up to date. The Customer is responsible for the consequences of that information being wrong, incomplete or out of date.
  3. The AI assistant is an automated system and may sometimes give wrong, incomplete or unsuitable replies. The Customer can therefore monitor its conversations, continue a conversation itself when needed, stop the AI assistant, and take a conversation over.
  4. The dashboard's AI assistant makes changes on the Platform only with the Customer's approval. For actions through an external AI app, that app asks the Customer for approval.
  5. Text, images and posters made by AI may be wrong or unrealistic, so the Customer checks them before publishing. The Customer must have the right to use the product photos it gives the AI.

6. Customer website content and use

  1. The Customer is responsible for the lawfulness, accuracy and right to use of all content of the website it creates and publishes through the Platform, including text, images, files, products, forms, links and embedded code.
  2. Others can view published websites, pages, images, files and other content through their links. The Customer must therefore not put confidential information, or information it does not want made public, on its website.
  3. Through website forms the Customer collects only the information it needs, explains clearly to End Users why it is collected and how it will be used, and keeps and uses it under the applicable law. Collecting sensitive information such as passwords, bank card numbers, national ID numbers or health information without need is prohibited.
  4. A Facebook Pixel or Google Analytics runs only after the End User agrees on the website. By connecting external code, maps, videos or other third-party services to its website, the Customer acknowledges that End Users' information may pass to those providers, and is responsible for giving the notices and obtaining the consents the law requires.
  5. The Customer's website name, address and content must not be fake or misleading, or infringe others' trademarks, intellectual property or legal rights. To connect its own domain, the Customer must have the legal right to own or control it. The website becomes public at that address once the domain is correctly pointed to the Platform's servers and verified.
  6. Terms of service, sales, returns and other policies the Customer publishes on its website govern the relationship between the Customer and End Users. The AI assistant may answer End Users based on that information.
  7. The Platform keeps the last 3 (three) published versions of a website and lets the Customer restore them. This is not a full backup service, so the Customer keeps its own copy of its website content, files and other information.
  8. If the Customer's website or content breaks the applicable law or these Terms, the Company may hide or remove that content or suspend the website temporarily. Where possible the Company gives notice in advance.

7. Payments and wallet

  1. The Customer pays for use of the Platform, Plan prices and transaction fees according to the terms and rates published in the Pricing section of flowio.cloud. The Customer can start using the service on the free plan.
  2. Paid Plans are paid monthly from the balance of the shop's Wallet or through QPay. If the Wallet balance is not enough when a Plan payment is due, the Customer's Plan is moved to the free plan.
  3. The Company receives End Users' QPay payments on the Customer's behalf and records them in the shop's Wallet after deducting fees. The Customer may request a transfer of the withdrawable Wallet balance to its bank account; the Company checks the request and makes the transfer.
  4. The Customer can follow the Wallet balance, income, expenses, fees, transactions and the status of withdrawal requests on the Platform.
  5. Credit granted by the Company can be spent only on extra AI conversations and AI posters; it cannot be converted to cash and may expire.
  6. If the Company changes Plan prices, payment terms or fees, it notifies the Customer in advance. The notice states when and how the change takes effect.

8. Prohibited conduct

When using the Platform and connected channels, the Customer must not:

  1. send or publish spam, unsolicited promotion, or abusive, threatening or illegal content;
  2. offer illegal or counterfeit goods, products or services, commit fraud, or infringe others' rights, intellectual property or trademarks;
  3. create fake websites or pages using another person's or organisation's name or likeness without permission, or obtain passwords, bank card or other confidential information by deception;
  4. spread viruses, malicious code or programs through the Platform or connected channels, harm End Users' devices or data, or collect personal data without consent;
  5. break the terms of use, community standards, developer policies or requirements of Meta or other third-party providers;
  6. access the Platform without authorisation, disrupt its normal operation, deliberately overload it, or attempt to decompile, copy or modify its code.

9. Customer information

  1. The goods, products, services, orders and sales information and website content the Customer enters are the Customer's business information.
  2. An End User's personal data belongs to that person.
  3. The Company processes this information only to provide the service, keep the Platform running, and on other grounds provided by law.
  4. The Customer grants the Company the right to store, display and process this information to provide the Flowio service, and to pass it to AI providers when AI features are used.
  5. The personal data of Customers and End Users is collected, processed and protected under the Privacy Policy and the applicable law.
  6. The Customer may ask the Company to delete its information. The Company deletes it, taking into account retention duties and requirements under the law.

10. Ending service and restricting access

  1. The Customer may stop using Flowio at any time and ask for its account or shop to be closed by writing to support@flowio.cloud.
  2. If the Customer breaks these Terms or the applicable law, or puts the Platform's normal operation or security at risk, the Company may temporarily restrict, suspend or close the Customer's account and access to the Platform.
  3. Where possible the Company notifies the Customer before taking such action and gives it a chance to fix the breach. Where urgent action is needed, prior notice may not be given.
  4. When a shop is closed, its website stops being public. Payment records the law requires to be kept are kept for the period the law sets.

11. Limitation of liability

  1. The Company provides the Platform and service as they are currently available and does not guarantee that they will run without interruption, delay or error.
  2. The Company is not liable for interruptions caused by failures, delays or restrictions of Meta, QPay, OpenAI, hosting, domain or other third-party services.
  3. Unless the law provides otherwise, the Company is not liable for indirect losses, lost profits or lost revenue.
  4. The Company's total liability does not exceed the total the Customer paid for the Flowio service in the 3 (three) months before the liability arose.

12. Disputes

  1. These Terms are governed by the laws of Mongolia.
  2. Disputes between the parties are first settled by mutual negotiation. If no agreement is reached, they are settled by the competent courts of Mongolia.
  3. The Company may change these Terms; it publishes the updated version on this page, updates the date above, and notifies the Customer where necessary.
  4. If the Customer does not accept the updated terms, it may cancel the service. Continuing to use the service after the new terms take effect means, to the extent the law allows, that the Customer accepts them.

13. Contact

Provider: FLOWIO CLOUD LLC

Address: #9, 16, Peace Avenue, 10th subdistrict, 30th khoroo, Bayangol district, Ulaanbaatar, Mongolia

Email: support@flowio.cloud

Phone: +976 8097 0422, +976 8999 7697

Website: https://www.flowio.cloud